Mon Blog

Un jorn, una granhòta que se sonava poet poet rescontret un lop. Sus lo moment aguèt paur e volguèt partir, mas lo lop se botèt a parlar « E tu pichòta granhòta ! As pas besonh d’avèr paur soi pas un marrit lop ! Ieu soi un lop vegetarian que manja pas d’animals. Mas ai pas fòrça amics perque las gents an paur de ieu, voldrias pas èsser mon amiga tu ? » La granhòta se ravisèt e acceptèt d’èsser amiga amb lo lop. Dempuèi aqueste jorn los dos son inseparables e tot lo mond parla d’aquesta amistat estranha entre la granhòta poet poet e lo lop vegetarian.  

Adieu a totes! Uèi soi a l'èscola de ma maire! Es una escòla calandreta que se sona Lo Garric. Dins sa classa i a los CE2, CM1 e los CM2. Ieu m'agrada mai las classas de granda seccion, CP. Aquí es mièdgjorn manca un quart e aqueste matin los enfants an fach una avaloracion de descuberta, an respondut a las letras de lor correspondent e ara son a faire la presentatcion de causas. M'agrada d'èsser a l'escòla. Dins la cort los enfants venon sovent me faire de canhons. Aimi plan lo fach d'aver un pauc d'autoritat suls enfants. Demòri aquí tota la jornada e es fòrça agradiu. Totes los collègas de ma maire son fòrça gents. Aqueste sèr es la castanhada a l'escòla Los Flabraguièrs, es una fèsta que m'agrada fòrça e vau poder veire totes los autres collègas que son tanben fòrça gents. Vaquí per ma jornada a calandreta.

Ieu, soi Amèlia, una pichòta filha de Bisan de Menerbes. Mon vilatge es fòrça polit, e tot lo mond es gent. Ma maire se sona Irena, es la melhora de totas las maires del mond, e la pus polida del mond tanben !! M’agrada la dimenjada dins mon vilatge perque i a tojorn un repais amb tota ma familha amassada dins « l’ostal de familha » lo de ma grand qu’es mòrta e que ma maire e sas sòrres an gardat. Aqueste moment es un pauc coma una tradicion per ieu, sèm aqu í a l’entorn de la granda taula a manjar mas tanben a parlar de tot e de res. La familha per ieu es lo mai important, dempuèi que soi nascuda soi totjorn estada fòrça procha de ma familha que sia del costat de ma maire o de lo de mon paire. Ara qu’ai pas mai mon paire soi un pauc mai sovent amb la familha del costat de ma maire, mas aimi tojorn de passar de moments amb l’autre costat de ma familha tanben de faire de repais amb eles. Vos aconselhi de dire a vòstra familha, tant qu’es encara aqui, que l’aimatz fòrça p...