jorn 3

Nos vaquí ja al tresen jorn. Començèrem la jornada per prèner un taxi per anar fins al pont de l’Alma. Aquí deviam prèner los « bateaux mouches ».  Ariverèm a dètz oras trenta e lo batèu partissià a quaranta-cinc. Nos affanèrem d’anar al batèu. Monterèm, e just lo batèu partiguèt. Aquí se boterèm sus lo dessus del batèu, èra melhor per faire de polidas fòtos. Emai se i avià un pauc de vent, aguèrem pas tròp frech. Aqueste matinada nos permetèt de veire un fum de monument, qu’auriam pas agut lo temps de vèire sens aquò. Lo torn en batèu durèt a pauc près una ora. Aprèp aquò aviài previst d’anar vèire una botiga del pastissier, Cyril Lignac. Coma margrada fòrça de faire tota sòrta de pastissons, e qu’aquel pastissier fa partida de los que m’inspiran lo mai, voliài almens vèire una de sas pastissaria. Trapèrem de trotinetas pas i anar en mens de temps. Aquesta pastissarià èra vertadièrament polida. Prenguèri un fum de fòtos e crompèri un pichòt pastisson. Un còp aquò fach, tornerèm prèner las trotinetas. Voliam d’intrar a l’ostal coma aquò, mas sul camin passerèm a costat de « l’Arc de triomphe », e doncas dessidiguerèm de montar dessus. Per nosautres èra agratis. Posquerèm doncas profiechar de la vista. Mas encara un còp i aguèt fòrças marchas de montar, e ièu e l’espòrt sèm pas trop amics. Un còp aquò fach, tornerèm l’ostal par manjar. Un còp lo repaís fach, tornerèm sortir. Aviam previst d’anar vèire lo « Sacré Cœur ». Coma la magèr part del temps, prenguèrem de trotinetas per i anar. Faguerèm una pausòta sul camin, per prèner una fòto del « Moulin Rouge ». Monterèm totas las marchas, encara un còp … Un còp en naut, visiterèm la glèisa. Puèi voliài anar vèire la « Place du tertre ». Diguèri a Thomas de mèstre son GPS, perque me remembravi pas tròp per ont calià passar. Solament, son GPS dessidiguèt de pas marchar corèctament. Nos marquet que calià d’avalar totas las marchas e passar per en bas. Un còp en bas se tracherèm que en fach, non calià passar per la rota en naut. Aquí èri un pauc massada, mas Thomas m’encoragèt per montar un còp de mai. Agacherèm doncas los pintres, sus aquesta plaça. Beguerèm un còp dins un cafè. Puèi d’intrerèm a l’ostal, aprèp aquesta gròssa jornada.

Lo darnièr jorn vos sarà contat la setmana que ven !