las patanas


Uèi anam profiechar d’aquela jornada primaverala per metre las patanas a l’òrt : patanas, patatas, trufas segond lo canton ont sètz. Existison un nombre bèl de varietats : Binge, Mona Lisa, Carlòta.
Ne podèm trapar d’aborivas de mai tardièras, a carn ferma o que s’espotisson. Al gost de cadun !
Rampelam qu’a la debuta de l’ivèrn, metèrem de fems a l’òrt per l’enriquesir. Un còp cada 2 ans me pareis plan. Aqui èra de fems de fèdas de mon cosin, en saupre qu’aquel de caval es lo mai ric.
Mèfi cal que la tèrra sia pas tròp freja : 8 grases minimum. Per ieu dins mon canton del Menerbes èra a 11 grases ièr doncas va plan.
Vaqui doncas ma tecnica : fau un rieu pichon amb un rabassièr. M’ajudi d’una còrda e de dos bastons per far lo mai dreit possible. Es aqui dedins que vau despausar mas patanas. Doblidèri de vos parlar de la germinacion. Per ajudar a la creissencia val mièlhs metre en tèrra de patanas ja germadas. Las metèri un quinzenat de jorns a la remesa dins l’escuresina. Ara cal far mèfi de pausicionar la patata amb sos germs los pus bèls cap en naut.
Daissi un vintenat de cm entre cada plant en fach la longor de mon otis. Aquò fach cobrissi amb un barrejadis de tèrra e de compòst pas tròp espès e de palha. Lo compòst lo tirèri ièr, lo daissèri se far pendant 2 ans. Ara me fa una bona resèrva per mas plantacions.
Quand la patanas grandiràn las caldrà butar en far montar la tèrra un pauc de cada costat de las plantas per cobrir los pès. Formarà un riu que permetrà d’asagar en cas de fòrta calor la palha ajudarà per gardar lo fresc. Gaitatz plan regularament que i aja pas de dorifòrs gormandàs d’aquelas fuèlhas.
Quand las patanas auràn florit e que s’aflaquiràn serà l’ora de la primièra recòlta : vos regalaretz d’aquelas patatas novèlas : fritas, bolhidas amb un pauc d’òli d’oliva… Un plaser simple que vos congostarà !

Commentaires

Enregistrer un commentaire

Posts les plus consultés de ce blog

Lo vilatge meravilhos

Image
Dins mon vilatge meravilhos, totes los ostals serían de totas las colors. Cada persona deuría aver un gat dins son ostal e plan se ne tracahar. Per las carrères sería pas de quitran mas sonque d’èrba pel sol. E plan vèrda. Cadun aimaría escotar de musica. Poriam escotar de musiqua d’empertot qu’ora n’auriam emveja. Yot lo mond deuría aver de cors de dança al mens dos còps per setmana. Dins los ostals de cadun i auría un òrt fòrça grand amb totas las varietats dels legums possible. E tanben una piscina fòrça granda ont nos porian banhar amb tota la familha. Los ostals serían pas pegats mas serian pròches los uns dels autres. Cada familha sería dins un meteis quartier. Dos còps per setmana i auría un repais grand ont tot lo mond manjaría ensèm. Per ieu aquò sería lo vilatge meravilhos. Lo mai important es d’èsser amb sa familha lo mai possible e d’èsser uros.
Lire la suite

Seguida

Seguida… M’anèri doncas assetar, dins un cafè que se trapava pas luenh d’aquí. Un òme me serviguèt, e me demandèt d’ont veniài, e çò que fasiài aquí. Li contèri doncas, cossí l’òme èra vengut sus lo mercat per cercar de gens, per un trabalh plan pagat. E li contèri tanben lo nòstre trajecte. Subran, lo cafetièr me demandet lo nom de l’òme que me menèt aquí. Mas ièu, lo conneissiài pas… M’èri pas pausada de questions, perque pensavi soncas, a mon trabalh plan pagat. Me demandèt doncas a que semblava l’òme. Començèri alara ma descripcion, « es un òme puslèu pichon, amb una granda barba… ». Aquí lo cafetièr se botet a rire. Me diguèt aprèp èsser calma, « mas ma pichòta, te siàs facha colhonar ! Aquel òme te balhara jamai de trabalh plan pagat. ». Comprenguèri pas, perque aquel òme me diguèt aquò. Mas avans que posquessi pausar una question, tornet prèner la paraula « aquel òme es un brigand ! Far venir de gens, en lor contan de cracas. Mas en vertat a...
Lire la suite

una dimengada amb la princesa Amèlia de la farfadèla Part 1

Image
Vos vau contar la dimenjada de la princesa Amèlia de la farfadèla. A siès oras e mièja es ja de dejunar. Manja de tartinas de burre amb de pan del fornièr del vilatge. Pren son temps, perque lo dejunar es son repa í s preferit. Aprèp aquò, va dins sa cambra per se preprar. La princesa supòrta pas de se preparar sens poder ausir de music. Alara cada matin far venir de musicians dins sa cambra per poder se preparar en dançant. Quora s’es vestida comença de se pomponar e de se coifar. Li agrada fòrça de se far de bocletas dins los pèlses. Un còp qu’Amèlia es presta, aspèra que las autras personas lo siaguen tanbe. Aprèp aquò se dèu coma cada bona princesa d’anar a la glèisa. Aquò se passa dins la glèisa de son vilatge. A Amèlia li agrada pas tròp de i anar perque se lassa, mas lo fa perque es son devèrs de princesa. Aprèp avèr escotat tota la mèsa, es l’ora del repais de miedjorn. Aquò se far en familha lo dimenge. I a al fons del vilatge, un ostal. Aqueste ostal es lo qu’apartèn a la ...
Lire la suite